Grubers (已結業)

DIY 漢堡相信好多人都係大型連鎖店食過，而呢度既質素絕對係我食過最好既。呢間餐廳位於戲院嘅地下。喺電影戲飛售賣大堂後面。漢堡包非常多款，只係午肉漢堡已經有五個選擇，重有脆雞同素漢堡揀。叫左兩個包。經典牛肉漢堡 小黃瓜🥒 蘑菇，呢度嘅漢堡好經典唔會好花巧，但係配合起上黎係遠超花巧材料（例如乜野和牛定鵝肝）既滋味。juice既漢堡，烘過嘅麵包皮，兩層芝士，洋蔥，生菜，好柔軟嘅蘑菇。每樣野都恰到好處，真係食到經典嘅感覺。今餐叫咗個細薯條，都係水準之作。有嗰醬汁吧，各色醬料同埋餐具都係自己拎，十分自由。雞肉漢堡 小黃瓜 🥒 脆洋蔥，呢個真係不得了，店員推介嘅脆洋蔥，真係好嘢味，配搭任何一款漢堡都會夾。個脆雞堡都係肉汁十足。無係其它地方食過。睇戲唔係剩係得熱狗同炮谷選擇，如果麗都德福戲院，不妨試吓漢堡包，即刻將睇戲呢一個體驗，再升級。