Doux (已結業)

為慶祝好友生日，左搵右搵最後選擇呢間餐廳，浪漫情調氣氛一流，環境清靜可以暢談一番。輕煎北海道帶子甘藍沙律$128份量十分充足，帶子微暖嫩滑，沙律菜新鮮爽甜，配料豐富，配上黑醋汁酸酸甜甜好開胃，驚喜之作。House burger $98澳洲殼飼牛肉漢堡扒肉味濃郁juicy，中間夾住濃濃芝士，加埋生菜蕃茄，解除油膩感，再配上香脆熱辣辣粗薯條，份量大大份。小食拼盤($88)炸芝士條淡淡芝士味，外面脆卜卜內裡較乾身但仍然做到拉絲效果。炸雞外皮炸到香脆，肉質保持嫩滑，再配上芝士粗薯條。Endless - Table Set($188)滿足視覺享受既甜品，全晚最期待既重點，可以預先拜託職員加上寫字生日牌，上枱前會倒入液態氮令炸彈充滿住煙霧效果，敲碎朱古力裡面各式各樣既小甜品，有粟米片、竹炭粒、焦糖脆脆、豆腐布甸、紅莓粒、蒟蒻、藍苺雪糕、蜂巢糖粒、蛋白餅。最後以香濃既cappuccino畫上完美既句號。是次消費$5xx，好開心搵到呢間價錢吾貴、環境舒服既餐廳，最滿足系見到好友驚喜既表情，比一切都值得。