翠樂庭餐廳

營業中

休息中

去咗翠樂庭餐廳，訂好咗個Duffy 好友椰子菠蘿蛋糕，當下午茶食。個蛋糕造型好精緻。小朋友開生日派對，附上這款蛋糕，一定滿心歡喜。餐廳附送生日派對心意卡，氣球棒。加埋個好精美外賣蛋糕盒。現場氣氛馬上升温。個蛋糕帶點泰國椰子加菠蘿味。外面是菠蘿皮，內裏是椰子蛋糕味。加埋有蜜桃果肉。食落好重水果甜味。賣相造型加味道一百分。另外因計劃要去迪欣湖，所以訂好咗個閨蜜時刻下午茶禮盒。十二件精美小蛋糕，自攜去迪欣湖食當野餐。焗藍莓芝士蛋糕，朱古力布朗尼，米奇冬甩，米妮脆脆，士多啤梨拿破崙，焦糖芒果泡芙。以上每款兩件。我個人最喜愛是士多啤梨拿破崙，新鮮士多啤梨加夾層餅。食落好重士多啤梨甜味。咬落又有餅乾味道。對住個無敵靚景，加埋個精美小蛋糕，真係好正享受。食客留意，以上兩款美食要先在3天前預訂。