影片
更多
2004-02-29
52 瀏覽
成晚對住Project毫無頭緒兼o訓唔著，見係星期六朝早，把心一橫早o的出門口番工，一心碰彩數搵下哩度（估計一落車就係）食番個醒晨早餐。一落車，仲要行高少少，上左三樓但漆黑一片，巧遇其中一個待應話餐廳未開門（o下，都成八點幾未開門，明明見開七點喎！），細問之下，早餐要落二樓o既飯堂幫襯。雖然哩度（二樓）比較簡陃，早餐選擇唔多，咖啡奶茶又唔係好得，但不失都係一個好地方，我選擇近窗位置，對住一棵棵陳年大樹食住我碗「餐蛋麵」，另有一番風味o既！雖然麵身煮淋左（下次叫阿姊唔好煮得太淋先），但望住佢煮有o的阿媽feel，熱辣辣，簡簡單單一個早餐，夫復何求丫！食完行番落山（真係幾醒晨！），路經禮賓府，見差人叔叔貼緊指示牌，細問之下，原來一連兩日（朝十晚五）係「開放日」，大家不妨去踐番幾個腳印咯，順道試埋明愛個午餐，相信到時餐廳會開o架喇！
一落車，仲要行高少少，上左三樓但漆黑一片，巧遇其中一個待應話餐廳未開門（o下，都成八點幾未開門，明明見開七點喎！），細問之下，早餐要落二樓o既飯堂幫襯。
雖然哩度（二樓）比較簡陃，早餐選擇唔多，咖啡奶茶又唔係好得，但不失都係一個好地方，我選擇近窗位置，對住一棵棵陳年大樹食住我碗「餐蛋麵」，另有一番風味o既！雖然麵身煮淋左（下次叫阿姊唔好煮得太淋先），但望住佢煮有o的阿媽feel，熱辣辣，簡簡單單一個早餐，夫復何求丫！
食完行番落山（真係幾醒晨！），路經禮賓府，見差人叔叔貼緊指示牌，細問之下，原來一連兩日（朝十晚五）係「開放日」，大家不妨去踐番幾個腳印咯，順道試埋明愛個午餐，相信到時餐廳會開o架喇！
張貼