影片
更多
2007-12-09
1Dec2007 1900相信好少公司的聖派對咁早舉行，不過佢地話年年都係差唔多呢個時候，不管怎樣，這是我黎左個幾月後的第1個阿公活動。搵場地當然係老細去慣去熟的，睇過這裡的comment 麻麻地，不管怎樣，開心緊要過一切。當上到場地時，檯一早舖好，但地版有點泣泣地，開左冷氣及人多稍為改善，還有小型band 坐鎮，菜單之前一早準備好，頭盤可以選擇鵝肝或帶子、主菜為鱸魚或肉眼扒，最後有甜品及咖啡茶，當然有人因種種原因不食上述食物，而要稍為更改，而我就要了帶子及肉眼扒。頭盤為Jumbo US Scallop with black olive paste dressing & green leaf salad，帶子原隻在菜上面，而黑橄欖醬在帶子上，賣相相當不錯，醬一定要混合菜先好食，皆因都幾鹹，大家想像到同海鮮撈埋一齊有乜後果，帶子大隻得來都相新鮮，總體來講算係幾開胃既前菜。主菜名稱為Pan-fried beef rib eye with pommery red wine sauce and wild mushroom，牛扒我冇叫有幾多成熟，肥瘦適宜，草菇被扒蓋住，汁另外用器皿載著，如果草菇
相信好少公司的聖派對咁早舉行，不過佢地話年年都係差唔多呢個時候，不管怎樣，這是我黎左個幾月後的第1個阿公活動。搵場地當然係老細去慣去熟的，睇過這裡的comment 麻麻地，不管怎樣，開心緊要過一切。
當上到場地時，檯一早舖好，但地版有點泣泣地，開左冷氣及人多稍為改善，還有小型band 坐鎮，菜單之前一早準備好，頭盤可以選擇鵝肝或帶子、主菜為鱸魚或肉眼扒，最後有甜品及咖啡茶，當然有人因種種原因不食上述食物，而要稍為更改，而我就要了帶子及肉眼扒。
頭盤為Jumbo US Scallop with black olive paste dressing & green leaf salad，帶子原隻在菜上面，而黑橄欖醬在帶子上，賣相相當不錯，醬一定要混合菜先好食，皆因都幾鹹，大家想像到同海鮮撈埋一齊有乜後果，帶子大隻得來都相新鮮，總體來講算係幾開胃既前菜。
主菜名稱為Pan-fried beef rib eye with pommery red wine sauce and wild mushroom，牛扒我冇叫有幾多成熟，肥瘦適宜，草菇被扒蓋住，汁另外用器皿載著，如果草菇在左上方會更好。扒叫做有肉汁，味道當然冇俾成千蚊咁出色，但冇乜王之王咁差，中低檔啦，煎出來大約有八成熟，黃芥末醬係用水開，如果以白醋或5-10年前的香港賽馬會用鮮奶開既話，會更加完美，草菇炒好香牛油味，而紅油加牛肉汁配合得非常野味。
食完兩道菜之後就大家上台唱下歌及抽獎，一陣後再上甜品，甜品名為French dessert sampler，最近鏡頭係egg custard，左面為蛋白奶凍，右面為青檸雪葩(Sobert)，後面為egg tart，整體上不太甜，尤其左及右的，有助中和酒及菜的濃味，亦唔算有乜驚喜。
服務睇老細份上緊係要專業一點，例如mark 曬乜人食乜菜，但總有百密一疏，倒house red/white wine 時滴左少少係檯上，而band 帶起全人類狂歡熱舞，幾適得攪氣氛，服務一欄如不是我見到有少少蝦祿，只會比4分；環境及乾淨因為一入黎地下原故，要扣至3分；食物及扺食如以每人平均約HK$300來講，我會比5分，當然要計埋租場及其他額外服務。
當晚玩得非常盡興，完場後當然要消消氣，行遠少少準備另一場。
張貼
