太平洋咖啡 (已結業)

未夠12點約左個朋友係Pacific Coffee飲杯咖啡傾下計,再點左pork sausage roll 及 chicken & leek pie 當午餐。我地都係點mocha，平時我會要求加多shot咖啡的，但早餐已經飲左一杯咖啡，所以今次無要求額外一shot。Mocha的咖啡香帶著香甜的朱古力味，又香又滑，大大杯先滿呀！豬肉卷我覺得一向係Pacific Coffee穩陣之選，但今次唔合格，因為個肉饀太乾，一D肉汁都無，成件感覺死實實。雞批第一次試，但係並唔係我理想嘅味道。第一雖然加熱左不過內層嘅皮已經淋左，個皮亦無我想像中帶牛油濃香。饀料味道唔特出，有咸味但唔係個種白汁嘅濃香。不過，呢間Pacific Coffee Emporium真係好大間好開揚，坐係室內涼住冷氣望住街外陽光一邊嘆咖啡一邊傾計食野感覺好舒服。