為食龍 (已結業)

「為食龍」位於銅鑼灣嘅舊店，店鋪細細只有幾個企位，幫襯嘅人多數買外賣食。最近佢哋搬咗去中環新舖，終於有堂食位啦，仲有好多打卡位添。環境同以前店舖比簡直係冇得比😂😂新鋪樓底好高，店內有啲熱帶雨林feel。新店餐牌有卷物、小食、刺身、沙律、甜品等。當然唔少得最出名嘅腐皮壽司啦，口味有超過二十款！▫️為食龍卷 (HKD158) - 一客有8件「為食龍卷」，係店員推介嘅食物。色彩繽紛嘅卷物有炸蝦、刺身、牛油果、細蝦。賣相好靚當然要相機食先📷▫️腐皮壽司👇🏻▫️炙燒檸汁帶子 (HKD28)▫️明太子三文魚 (HKD26)▫️蟹膏三文魚子 (HKD42)▫️芝士蟹籽厚燒玉子 (HKD24)每件腐皮壽司都大大件，好足料。如果要喺呢四款壽司裡面揀我最鐘意嘅，我會揀蟹膏三文魚子。蟹膏跟飯已經係一個好好嘅配搭，加埋三文魚子令到腐皮壽司味道更好。▫️焦糖雞蛋布甸(HKD59) - 新店有甜品食，雖然只係得兩款選擇，好過冇啦。頭幾啖會食到好重雞蛋味，布甸底部由於被焦糖漿包圍住，我覺得味道甜咗少少。▫️奶蓋白玉烏龍 (HKD48) - 奶蓋上放咗一串小丸子，賣相幾靚😆不過我建議盡快食咗串小丸子先，等耐咗就會變硬。