煌爵宴會廳 (已結業)

雖然我喺九龍灣返工，不過唔係老婆之前同朋友黎過呢間煌爵，都真係唔知EMAX頂樓原來仲有間酒樓。呢間酒樓主力做婚宴宴會，EMAX又無咩廣告牌，所以夜晚黎既人比較少,價錢亦相對抵~一般酒樓既特價菜式,如果2人多數只可揀一款, 但呢度二至四人都可以揀2款。我地揀左約一斤既沙巴龍躉都只係$78，係街市買既價錢，真係好過自己煮~ 蒸既火喉剛好，肉質滑滑。仲叫左半隻醬燒脆皮雞$48 , 雞皮脆香肉嫩~  因為想食菜，揀左個濃湯海味什菜煲$88大大窩，有花膠瑤柱蝦米，2個人確係多左d，3個人就剛好啦~ 加埋個飯埋單先約$300, 真係抵食 !!