真妮 (已結業)

今日初五開工唔想煮飯 又食得太多糕 今日轉下食漢堡☺️所以又去左附近真妮有個漢堡叫‘’就咁燒焦芝士漢堡‘’見個名幾得意 就叫黎試下其實真身係三重芝士牛肉漢堡🧀🧀🧀漢堡中間夾左一大片燒到焦焦地既芝士食落有小小似芝士做既薄罉 幾特別另外配料有炒洋蔥同蕃茄 煙三文魚黑松露炒蛋牛角包牛角包 咬落去一層層好鬆脆加埋煙三文魚、黑松露醬同滑捋捋既炒蛋味道同口感都更好吉列炸蠔即叫即炸 上菜熱辣辣一咬d汁噴出黎 好juicy😋明太子雞翼雞翼去哂骨 隻隻都漲卜卜 啖啖肉 入面釀左鹹香味濃既明太子