Thirty First of May (已結業)

好食既餐廳係值得重來!今晚又黎位於荃灣大壩街既Thirty First of May,同老公開餐。今次同上次唔同,上次係散叫,今次我係叫二人套餐$588 加埋一就埋單$647頭盤:三文魚牛油果沙律,依然都係唔失望,食材都係鮮~賣相顏色豐富,味道搭夠,令到成個人都好開胃,準備好今晚既二人餐。餐湯我同老公都依舊係一個點黑松露野菌忌廉湯,一個點是日餐湯,上一次食既是日餐湯係蕃茄甘荀薯仔忌廉湯,今次係票米湯,兩款味道,黑松露野菌忌廉湯完勝。接住就係蒸籠上檯既蒜蓉多士。主菜:黑松露野菌意大利飯!! 超 好 食! 濃味道不特止,意大利飯既咬口係完美,而飯既濕乾就剛好,粒粒分明,又有DD芝士相伴。A5和牛眼扒(5成) 開心係切好晒上檯,話5成真係5成,配埋薯蓉同蒜油,PERFECT!! 今晚真係相當滿足,又夠飽。已經無位食甜品。好可惜當晚既生蠔賣晒TVT 問我食唔食焗蠔,嗚嗚唔要。今晚先留意到,餐廳有室外的座位,吸煙既顧客可以拎埋你杯酒坐出去食熱煙飲酒,之後再行返入黎。Thirty First of May地址 :荃灣大壩街5-7號仁蕙苑地下3-4號舖電話號碼:24338383營業時間:星期一至五1