AFTER TEN (已結業)

元朗區出左名多好野食，今日約左個朋友見面係呢間cafe度見面，估唔到野食有驚喜。餐廳裝潢用上樸素裝修風格，但係一啲都唔覺得簡陋，以白色同木系小清新為主。餐牌選擇方面雖然唔多但係美食一向都係貴精不貴多。我哋兩個人各自點左兩款唔同味嘅意粉。黑松露雜菌意粉：雜菇數量都幾多，黑松露醬落得好足夠唔會太濃搶左啲味，每啖都食到有黑松露嘅味道。蒜蓉蝦蜆扁意粉：大蝦同蜆肉好大粒，炒嘅火候適中，配上香草食落好香。飲品方面，推介Mojito或者latte都唔錯。