鮨一心 (已結業)

成日聽朋友講元朗有好幾間隱世正宗日本人料理嘅餐廳，所以就要去搵間食個休閒又高質嘅，點解揀食lunch因為價錢比較優惠，唔駛用咁多錢又可以食到好嘢。需然係小店但裝修有一種高貴嘅氣派，首先安排好我嘅坐位，再細心奉上熱毛巾同熱茶...再遞上menu揀好咗後，再遞上三款前菜，先有個溫泉蛋，依個蛋係凍食加上半熟嘅程度剛剛好令我可以好優雅咁用匙羹慢慢食,之後到一個腐皮卷，依個係一口可以放灑落個口度，腐皮內應該係蔬菜類好好味呀，之後就到個酸味嘅凍麵，依個食完好醒胃，面仲有少少花去做 配襯。 之後就到主菜係10款壽司由廚師安排，當然成個過程除咗壽司好食之外，就係可以坐係壽司bar枱睇住師父親手為我做壽司嘅過程，依個過程好似睇緊一場表演咁，最緊要佢每次為我奉上嘅壽司我都好期待。