影片
更多
2021-05-24
1244 瀏覽
之前係mira個官網見到佢買緊The French Window嘅set，仲要話經官網買唔使再收加一，$458有4個course，仲要係The French Window，大家都知間餐廳係可以望到臨海維港夜景，二話不說就買咗個coupon自己一個人去試下！個coupon係有寫明邊日用嘅，但係我究竟使唔使再打去book位呢？呢個問題都纏繞左我幾日！於是我再打去餐廳問下，佢就同我講你coupon book咗果日就會自己同餐廳book咗㗎啦，話會之前一日打嚟confirm booking喎⋯⋯但係我去之前果一晚，餐廳都冇打嚟同我confirm Booking，我都驚咗陣唔知果晚有冇得食！到咗用餐當日，一去到餐廳門口，見到冇reception counter嘅？原來佢要九曲十三彎咁行到最入個餐廳先見到！我去嗰陣時六點，去到都已經有四五台客坐咗喺度，應該全部都係食不同嘅eshop set。由於佢比我早到，所以廚房方面都應該要應付左個幾台先，見到佢哋食咗好多輪，成個鐘之後先俾個蘑菇湯我，好在有個靚景陪住我咋！個湯一放上枱就聞到一陣好勁嘅黑松露味！但飲落就冇，應該就係黑松露油，個湯好飲嘅，足料！再之
個coupon係有寫明邊日用嘅，但係我究竟使唔使再打去book位呢？呢個問題都纏繞左我幾日！於是我再打去餐廳問下，佢就同我講你coupon book咗果日就會自己同餐廳book咗㗎啦，話會之前一日打嚟confirm booking喎⋯⋯但係我去之前果一晚，餐廳都冇打嚟同我confirm Booking，我都驚咗陣唔知果晚有冇得食！
到咗用餐當日，一去到餐廳門口，見到冇reception counter嘅？原來佢要九曲十三彎咁行到最入個餐廳先見到！我去嗰陣時六點，去到都已經有四五台客坐咗喺度，應該全部都係食不同嘅eshop set。由於佢比我早到，所以廚房方面都應該要應付左個幾台先，見到佢哋食咗好多輪，成個鐘之後先俾個蘑菇湯我，好在有個靚景陪住我咋！
麵包
19 瀏覽
0 讚好
0 留言
黑松露蘑菇湯
15 瀏覽
0 讚好
0 留言
再之後就嚟咗個Parma ham salad，都係嗰啲沙律菜上面有幾塊Parma ham咁，d Parma ham就好似唔係好夠油水，乾咗dd，食到落底先知原來有幾片蜜瓜，應該原本攞嚟伴Parma ham食嘅。
Parma ham salad
14 瀏覽
0 讚好
0 留言
到主菜啦！我呢個係焗龍蝦煎牛柳鵝肝，個龍蝦好細心咁將個身嘅肉分咗做3份，蟹鉗就放咗喺個頭個凹位度，加咗少少啡菇去焗，好好食！牛柳佢就冇問過我咁幫我煎到7成熟，雖然咁熟，但切落去好柔軟，又有牛味，纖維唔粗，好細嫩！鵝肝就冇鵝嗰一陣蘇味，煎到兩面脆，食落去唔會好油！
焗龍蝦煎牛柳鵝肝
15 瀏覽
1 讚好
0 留言
最後甜品係焦糖燉蛋，個焦糖勁厚，又脆，但個燉蛋就實咗少少，overall係好嘅！
焦糖燉蛋
16 瀏覽
0 讚好
0 留言
以呢個價錢，咁嘅景有4個course都算係咁！
臨走嘅時候佢叫我試下個oyster and grill set，心諗貴唔貴嘅呢？原來門口都有貼出嚟！我就影咗俾大家睇下！唔貴喎其實！
張貼
