沙嗲王 (官塘工業中心) (已結業)

心情好既時候要食野，心情唔好既時候更加要食野🍛🍗🍖🥩🍳🍜😗💁🏻‍♀️。是日美味子俾🐷隊友激親，心情🌚黑過竹炭，呢個時候人肉開心果肥仙又出現陪美味子食飯啦🌞！美味子於是約左肥仙去下一班「後巷宅男」同事朝聖完既沙爹王食晚飯。Eva 主題Menu - 入面仲有真係切合Eva主題既菜式同主題飲品可以叫。餐廳內亦設有週邊產品既區域同人形紙板，唔食飯都可以就咁入嚟買野架。美味子今晩主力食住呻，所以都係叫返至愛既皇牌白咖喱豬排飯。叫餐既話可以有埋薯蓉同加錢叫特式飲品。🍸食左咁多年既白咖喱依然覺得好味，而且仲好大份添👍🏻，抵食！成舊雪糕咁既薯蓉，食完都飽左一半。杯特式梳打汽水略嫌甜得滯，不過賣相唔錯。原本怕唔夠飽同肥仙叫多碟小食-芥末蜜糖雞翼，熱辣辣好惹味，不過食完就真係好超級飽🐖🐖，建議3-4人食先叫小食。