影片
更多
2023-04-05
180 瀏覽
上環歌賦街呢間餐廳用咗落地玻璃做外牆，自然光照入嚟令餐廳感覺好舒服，配埋樓底高嘅白色圓拱形屋頂，加上紅金色嘅凳同bar area，格調高貴典雅，啱晒喺度過一個悠閒嘅weekend/fine dining今次我哋weekend嚟試吓佢個brunch，brunch嚟講佢真係好豐富 ($298+1)，有兩個Starters，pasta同main各一，仲可以加埋甜品添💯 Starters: Polmard Beef tartare 係我食過最好食嘅其中一個牛肉他他！instead of putting the whole egg yolk，將油封蛋黃點滿成個beef tartare嘅面，靚之餘又好香，beef tartare食落好新鮮香口，入口滑順，配買炸脆薯格一齊食口感同味道都一流Artisan Strolghino Salami 嘅Salami 比我想像中厚身，食落好滑溜軟熟同有肉味，有少少肥膏增加成個香味，配埋脆餅乾一齊食好夾而且口感十足Puglia Burrata 芝士同蕃茄不嬲都絕配，呢度嘅burrata溝咗少少忌廉，芝士味好香濃而且綿密煙靭，只需要配埋多汁嘅蕃茄同小小橄欖油一齊食已
今次我哋weekend嚟試吓佢個brunch，brunch嚟講佢真係好豐富 ($298+1)，有兩個Starters，pasta同main各一，仲可以加埋甜品添💯
Starters:
Polmard Beef tartare 係我食過最好食嘅其中一個牛肉他他！instead of putting the whole egg yolk，將油封蛋黃點滿成個beef tartare嘅面，靚之餘又好香，beef tartare食落好新鮮香口，入口滑順，配買炸脆薯格一齊食口感同味道都一流
Artisan Strolghino Salami 嘅Salami 比我想像中厚身，食落好滑溜軟熟同有肉味，有少少肥膏增加成個香味，配埋脆餅乾一齊食好夾而且口感十足
Puglia Burrata 芝士同蕃茄不嬲都絕配，呢度嘅burrata溝咗少少忌廉，芝士味好香濃而且綿密煙靭，只需要配埋多汁嘅蕃茄同小小橄欖油一齊食已經好正
Pasta:
Homemade Potota Gnocchi 薯仔同麵粉嘅比例啱啱好，軟糯得來帶點煙靭，配埋香滑嘅牛油醬，紫蘇葉同蘆筍，又香又有嚼口
Orecchiette Casa Rinadi 一啲luganega sausage 做成嘅蔬菜燉肉，配上parmigiano reggiano計時同粒狀pasta，蔬菜腸燉肉整得好濃郁而且入味，配埋pasta一齊食好滋味
Main:
Sagabuta Pork Loin 200g 讚一讚佢嘅細心，好少地方會幫埋你切細塊扒，佢就好均勻幫你切成一片片方便你食👍🏼豬扒整得幾軟錜，豬肉味香，加埋面頭嘅青草醬一齊食，微酸配豬扒好正，旁邊嘅青椒就用橄欖油爆香過，食落好爽脆同keep到濃濃椒味，而薯蓉應該加咗蛋同忌廉，整得好香口好滑溜
Guindilla Chili Half baby chicken BB雞好厚身同厚肉，外皮炸得金黃酥脆，外脆內軟，雞肉好嫩滑而且juicy，保留咗雞嘅鮮味，而且隻雞冇咩骨啖啖肉，後面仲有薯蓉同蔬菜中和返油膩感
Dessert and free flow:
Manjari Chocolate tart 用咗法國Valrhona Nanjari朱古力做成，我想講有口感之餘又好好味！撻底同面頭都係脆脆地，中間仲要夾咗一層朱古力醬同埋海鹽焦糖醬，醬汁好軟滑香濃，上面仲要夾雜左啲爆炸糖，仲有raspberry雪芭，中和返個甜度，加埋一齊食味道濃郁，層次感都一流
Cheesecake上面勁多士多啤梨粒，配埋軟綿濃郁嘅芝士蛋糕幾好食
跟brunch仲可以配埋2 hours free flow ($198)，有8款唔同嘅紅，白，汽酒，Prosecco，cocktail同mocktaol選擇，又抵又襯brunch，呢餐真係超級滿足!
張貼
