影片
更多
2015-12-17
653 瀏覽
愛麗斯夢遊仙境，我諗好多人都聽過呢個童話故事，今日就去咗 Alize Noire de Nova 食飯，個名真係好 fantastic。叫咗個晚餐， 先上頭盤，香煎牛舌配芝麻汁，牛舌煎得燶燶地，好乾身香口，入口好鬆軟，點埋芝麻汁，好味道。餐湯叫咗雜菜湯，名符其實，真係好多雜菜，酸甜味道啱啱好，不過唔夠熱，要扣少少分。主菜㨂咗，西班牙黑毛豬配蘋果燒汁，顏色好sharp，擺得好靚，靚到唔捨得切落去。配菜有好滑溜嘅薯蓉，煎得小小燶嘅蕃茄，仲有青荳，三種顏色加埋，令人胃口大開，主菜黑毛豬好大嚿又厚身，咬一啖，肉味好香，有少少肥油，幾好味，可惜應該係煎得過咗火，肉質有D實，如果可以鬆化番少少，就係一個抵食夾大件嘅養眼美食。甜品叫咗 Rosemary cream brûlée，因為自己對 Rosemary 味道情有獨鍾，而且配搭都幾新鮮，再加上係廚師推介嘅，梗係要食啦。 面層嘅焦糖好香脆，布甸好香蛋味同好滑，但係 Rosemary 味唔強，反而唔知點解，食落口，味道有少少似 Ginger cream brûlée，加多咗一份滋潤同暖胃，不過，個 size 好似 mini 咗D，唔係好夠喉。食完飯，
叫咗個晚餐， 先上頭盤，香煎牛舌配芝麻汁，牛舌煎得燶燶地，好乾身香口，入口好鬆軟，點埋芝麻汁，好味道。
餐湯叫咗雜菜湯，名符其實，真係好多雜菜，酸甜味道啱啱好，不過唔夠熱，要扣少少分。
主菜㨂咗，西班牙黑毛豬配蘋果燒汁，顏色好sharp，擺得好靚，靚到唔捨得切落去。配菜有好滑溜嘅薯蓉，煎得小小燶嘅蕃茄，仲有青荳，三種顏色加埋，令人胃口大開，主菜黑毛豬好大嚿又厚身，咬一啖，肉味好香，有少少肥油，幾好味，可惜應該係煎得過咗火，肉質有D實，如果可以鬆化番少少，就係一個抵食夾大件嘅養眼美食。
甜品叫咗 Rosemary cream brûlée，因為自己對 Rosemary 味道情有獨鍾，而且配搭都幾新鮮，再加上係廚師推介嘅，梗係要食啦。 面層嘅焦糖好香脆，布甸好香蛋味同好滑，但係 Rosemary 味唔強，反而唔知點解，食落口，味道有少少似 Ginger cream brûlée，加多咗一份滋潤同暖胃，不過，個 size 好似 mini 咗D，唔係好夠喉。
食完飯，飲埋杯熱檸茶，水滾茶香，真係消滯又解渴。近排因為工作關係，成日都會離到北角，但始終對於我離講都係幾陌生，所以喺度搵嘢食就好似尋寶咁，有時的確會有意想不到嘅收獲㗎。
張貼
