影片
更多
2021-08-21
1688 瀏覽
又一年被困於香港，好耐冇去日本旅行散心，原本約左同朋友一齊去東京黎一個美食之旅都唔得。不過好彩香港係一個美食天堂，有唔少日本餐廳可以填補心靈嘅空虛～😋上星期同朋友去灣仔覓食，無意中發現咗一間位於廈門街嘅隱世小店，Chotto Maki 嘅招牌係一個好可愛嘅日本娃娃，佢地嘅外賣袋都好靚～😍我地一入到店內就見到一個主打健康食物嘅零食架，專門賣乾果、燕麥類嘅營養產品。另一邊就放有幾張餐枱，堂食嘅人唔算多，目測大多數人都係外賣拎走🥡～ 仲有一個小小嘅區域放有筷子、豉油、wasabi 等 🥢，方便食客自助進餐。由於龍蝦卷係餐廳嘅新款式，所以只有顯示屏幕先有～另外仲有炸雞小食、烏冬、麵豉湯同埋各色各樣嘅特色飲品，例如日本進口嘅蘋果汁同埋白提子汁。除左餐牌上面嘅壽司卷，食客仲可以自由配搭出個人口味 👍🏼經過一輪爭扎之後，我地最後揀左一份Lobster rolls、一份Black Magma rolls 同埋一客三文魚壽司🍣✨落單之後，店員即場為我地製作壽司卷，每一條飯卷都非常足料，仲捕捉到佢地用火槍炙燒三文魚嘅畫面 😍 不久，一盒8件嘅壽司卷就新鮮出爐 😋Black Magma Roll $72第一
上星期同朋友去灣仔覓食，無意中發現咗一間位於廈門街嘅隱世小店，Chotto Maki 嘅招牌係一個好可愛嘅日本娃娃，佢地嘅外賣袋都好靚～😍
我地一入到店內就見到一個主打健康食物嘅零食架，專門賣乾果、燕麥類嘅營養產品。
另一邊就放有幾張餐枱，堂食嘅人唔算多，目測大多數人都係外賣拎走🥡～ 仲有一個小小嘅區域放有筷子、豉油、wasabi 等 🥢，方便食客自助進餐。
由於龍蝦卷係餐廳嘅新款式，所以只有顯示屏幕先有～
另外仲有炸雞小食、烏冬、麵豉湯同埋各色各樣嘅特色飲品，例如日本進口嘅蘋果汁同埋白提子汁。
除左餐牌上面嘅壽司卷，食客仲可以自由配搭出個人口味 👍🏼
經過一輪爭扎之後，我地最後揀左一份Lobster rolls、一份Black Magma rolls 同埋一客三文魚壽司🍣✨
落單之後，店員即場為我地製作壽司卷，每一條飯卷都非常足料，仲捕捉到佢地用火槍炙燒三文魚嘅畫面 😍 不久，一盒8件嘅壽司卷就新鮮出爐 😋
Black Magma Roll $72
第一款介紹嘅壽司卷係Black magma rolls～ 之所以叫black magma 係因為佢面頭有一層黑芝麻醬，加上鮮帶子碎同埋蟹籽沙律醬。
而飯卷嘅中心係我最愛嘅蔥吞拿魚蓉，十分足料，每一口都食到帶子嘅鮮味同埋蔥吞拿魚蓉嘅香味 😋👍🏼
Lobster Roll $98
第二款係好受歡迎嘅龍蝦卷，淨係睇佢嘅賣相已經好吸睛！面頭有青芥末、炙燒三文魚同好健康有益嘅牛油果🥑😍除左龍蝦卷，貼心嘅店員仲喺盒內放左幾粒酸蘿蔔解膩 👍🏼
重頭戲就係中間大大件嘅龍蝦肉🦞，同埋一條條好特別嘅豆。牛油果🥑口感細膩綿密，燒過嘅三文魚油脂豐沛🍣，再加上爽口鮮甜嘅龍蝦肉，完全係味覺同視覺嘅享受😋✨
三文魚壽司 🍣 $29
最後點少得大件厚切嘅三文魚壽司🍣，真心好足料，三文魚長長一片，魚油分布均勻，鮮味十足，為當日嘅聚餐畫上完美句號。
好耐冇食過咁驚喜嘅餐廳，除左外賣袋同埋餐盒精緻之外，食物同樣高質，仲要唔洗加一👍🏼
我地有時間一定會再黎試其他口味嘅卷物，絕對稱得上大件夾抵食😋私心想推薦埋俾外國食客，所以標題用左英文🤣
張貼
