影片
更多
2015-01-30
904 瀏覽
KL轉區做嘢，今日farewell佢。揀番上次同佢食lunch同一地點新舖“火車頭”。12:30去到都勁爆場超多人，差啲攝唔到最後張吉枱。Lunch set冇啱食嘅，散叫各自一碗火車頭招牌湯河，再叫牛油果軟殼蟹紙米卷。湯河好大碗，湯底聞落覺得有種熟悉嘅藥材味咁，飲落幾順喉冇乜味精富牛香。材料豐富：肥牛肉熟咗啲但都易咬開有肉味。牛腩、牛筋好腍又入味。牛丸好彈牙。牛柏葉過咗火候有少少硬。蘿白索哂湯底冇渣。面頭仲有蔥頭同炸蒜片。河粉都幾滑。整體味道幾平衡唔錯。牛油果軟殼蟹紙米卷砌响碟面造型好似個菠蘿夠特別，咬落又脆又軟棉又爽，外皮唔會太厚，啲醬汁好似腸粉啲甜醬咁帶微酸，好味！又食燥牛又炸嘢咁，我即時飲番個寒底椰青水蹬番勻。KL仲可以飲熱薑茶，可能正正得負都唔定…😂希望KL响新地方事事順利🍀👌，有緣嘅大家第日再約過做飯友啦﹏
Lunch set冇啱食嘅，散叫各自一碗火車頭招牌湯河，再叫牛油果軟殼蟹紙米卷。
湯河好大碗，湯底聞落覺得有種熟悉嘅藥材味咁，飲落幾順喉冇乜味精富牛香。材料豐富：肥牛肉熟咗啲但都易咬開有肉味。牛腩、牛筋好腍又入味。牛丸好彈牙。牛柏葉過咗火候有少少硬。蘿白索哂湯底冇渣。面頭仲有蔥頭同炸蒜片。河粉都幾滑。整體味道幾平衡唔錯。
牛油果軟殼蟹紙米卷砌响碟面造型好似個菠蘿夠特別，咬落又脆又軟棉又爽，外皮唔會太厚，啲醬汁好似腸粉啲甜醬咁帶微酸，好味！
火車頭招牌湯河、牛油果軟殼蟹紙米卷
118 瀏覽
0 讚好
0 留言
希望KL响新地方事事順利🍀👌，有緣嘅大家第日再約過做飯友啦﹏
張貼
