釣魚翁 燒鵝．海鮮飯店 (已結業)

侄仔搭飛機返加拿大, 今早同佢飲餐茶當 farewell, 時間都早, 8 點幾, 唔使等位。店舖都算光猛寬敞, 坐得舒服。點了侄仔鐘意食嘅叉燒包, 燒賣, 鮮竹魚肚扎以及鳳瓜排骨飯, 而我本人就鐘意食薑汁千層糕, 泰式芋絲餅, 咖哩鮮魷, 仲有咸水角。芋絲餅煎得燶了少少, 但味道 ok, 將ㄧ絲絲嘅芋頭煎成餅狀, 都係考功夫嘅。咖哩鮮魷好味, 唔太辣, 魷魚唔靭。咸水角唔掂, 望落已經好油膩, 食落唔脆口, 失望之作。薑汁千層糕熱辣辣, 好有薑汁味, 煙煙靭靭, 鐘意食甜品嘅朋友可以ㄧ試。