霞飛會館 (已搬遷) 新店位置

公司同事就黎離職，當然要食返個Farewell Lunch 啦。 一行4人，叫左上海粗炒，擔擔面，小龍包，窩貼，雲吞雞，牛肉餅。 由於疫情關係，餐廳比較少人，但對面一枱ABC, 講野真係好大聲，我地圍內講野都聽唔清。 侍應有禮貌，亦都好服務。 雲吞雞同擔擔面都主動幫我地分4份。 服務抵讚。講返食物先，上海粗炒味道好好，我諗我一個都可以食哂一碟，呢個夠讚雲吞雞每人有2粒雲吞，都大大隻，亦都係必叫之選。 小龍包皮薄，有湯汁，大啖d都爆漿，食時小心d, 因為好熱架。另一推介就係牛肉餅，又係咬啖落去都爆肉汁，又一推介。最後就係窩貼，夠大隻，材料夠，都係無得輸。 埋單價錢就貴少少， 不過都值得。