L'attitude (已結業)

同事 Last Day 梗係出去食餐好啦！被好多公仔吸引，所以一去到，已經決定甜品要揀公仔綿花糖雪糕。意粉叫左3款: 羽衣甘藍帶子意粉，明太子意粉，白汁雜菌意粉。3款都唔錯，啲意粉幾有咬口。Pizza麻麻，蜜糖雞翼正常。墨魚蝦膠漢堡，簡直係喜出望外。墨魚蝦膠好彈牙，個包亦好細心地有烘底，值90分。飲品賣相好靚，每杯飲品裡面都有粒類似冰粒嘅燈燈。雪糕有牛奶雪糕同朱古力雪糕，2款味道都唔錯。最開心係個公仔綿花糖好可愛，呃Like之選。服務員非常有禮，而且好熱心，值得加分。會再幫襯。