一心素食 (已結業)

之前聽一心素食呢個名，係因為佢推出超平下午茶，今次就試下佢既晚市小菜，嗌左個套餐試下。松露忌廉湯，有好重既松露味，有啲碎既菇菌，而湯身好滑溜，非常creamy，不過唔係純素，而係奶素。有奶既成份，食純素既人要注意了。而鮮果咕嚕肉就加入咗唔同嘅生果，好似有火龍果 菠蘿、三色椒、蜜桃，等等嘅蔬果，連埋炸好嘅素肉， 撈埋甜酸汁，非常開胃，素肉表面好脆， 而且熱辣辣，好似食緊真肉咁， 食肉獸都會鐘意，完全唔覺得食緊齋。而炒飯就炒得好乾身，配上菜粒同雜菇粒，仲有些少雞蛋， 鹹鹹香香，大家好快清碟。但咁多餸入面我，最鍾意都係呢個咖哩素腩，入面有好多唔同嘅蔬菜，有西蘭花椰菜花甘筍等等，而且素腩做得好逼真，有啲肉汁咁， 咬落去唔覺得係食緊大豆製品，就好似食緊真肉咁，咖哩雖然唔辣，但有少少椰香，個汁好好送飯，呢個係必食之選。另外pizza係有芝士拉絲，加上一啲雜菌，不過餅底就好似印度薄餅，而唔係一般嘅pizza底，比較軟身， 餅邊先覺得有啲脆，但點咖哩都唔錯。