茶涮涮 (已結業)

睇食評見到又有豆乳湯底又有幾塊檸檬咁得意 諗住lunch嚟試下一人一鍋 烚下烚下。點知搞咗個大烏龍 原來午市係得定食 冇涮涮涮🙈🤣 不過午市選擇都相當豐富 有熟食 雞 牛 豬扒 或者魚生刺身 可以跟飯 烏冬或蕎麥麵～ 見今次擺咗個大烏龍 一於就叫烏龍麵 同我至愛既海膽🤤 套餐百幾蚊已經包咗 前菜 漬物 味噌湯同甜品 非常豐富😳 提早同師傅講唔食甜蝦同北寄貝 佢換返幾款是日 時令魚刺身畀我～ 烏冬係幼身 好滑。最中意一定係最尾個甜品！紅豆雪糕有食紅豆冰條味道 正。 值得一提係 樓面只有一位女店員 但服務非常週到。時刻保持笑容 即叫即到 自動添茶之外 仲會開門迎送嚟離開。今時今日仲有咁嘅服務質素 已經見少買少👍👍