泰潮 (已結業)

呢間泰式潮式都有既米芝蓮推介，價錢都唔貴。滷水豬脾加碗金邊粉52蚊，海南雞飯一樣價。原本要加5蚊先有雞脾，今次無叫加都有脾，唔錯！滷水豬脾個底有層豬大腸同梅菜，呢個都算驚喜，份量仲唔算細。金邊粉個湯頭都幾夠味，飲完又唔算太口喝，份量又唔算少，都算有良心。海南雞飯個黃油飯味唔算濃，雞件熟度剛剛好，滑得黎唔會太生。我好怕d生得濟既雞，不過有d廣州人就鍾意生d，各有所需。食食吓先發現，牆上面貼左優惠告示，係fb讚加簽到就全單九折，即係$47一個餐，晚餐都算咁上吓。