Feast Oyster Bar and Restaurant (已結業)

餐廳：Feast Oyster Bar and Restaurant地點：中環街市附近菜式：西式蠔吧餐牌：午市有套餐，主菜10選1，有龍蝦/牛/豬/鴨/魚/意粉/意大利飯/薄餅/麵包等，好多選擇，價錢由$138到$388不等，另加一，包精選自助沙律吧同是日餐湯。可以加錢要小食或者配飲品，用手機落單。都可以只食精選自助沙律吧，價錢就係$78另加一。今次被安排坐二樓，原來二樓都有個精選自助沙律吧，一共有8樣，包括沙律雜菜，生菜，車厘茄，紅腰豆，粟米粒，鷹嘴豆，蓮藕片同青瓜。沙律醬有6款。問服務員樓下個精選自助沙律吧係咪一樣，服務員話上面多一樣，點知落去下面發現下面先至多一樣，而且選擇唔同，仲有薯仔沙律，麻辣芽菜，麻辣雲耳同紅菜頭。沙律質素係可以既，我食左一碟半。是日餐湯係番茄湯，面頭撒上少量香草。唔覺有湯料，味道正常啦。意大利辣肉腸番茄手工薄餅 $138 另加一意大利辣肉腸番茄手工薄餅一開5片，餅底唔薄唔厚，少少脆，質素可以。意大利辣肉腸就太硬，唔好食！芝士夠厚身，不過唔夠熱熔。配有車厘茄，少量沙律菜，加上甜黑醋同撒上芝士粉。甜黑醋配辣肉腸係幾夾，可惜辣肉腸太硬，敗筆。座位正常。呢個價錢有