Felice Cafe & Pasta (已結業)

牛油果卡邦尼意粉牛油果🥑夠熟，夠腍。將意粉上嘅蛋黃拮穿，同芝士粉一齊混入意粉裏同吃，食落有芝士鹹香，好滋味呀～😋蟹肉鹹蛋黃意粉同牛油果卡邦尼意粉唔同，蟹肉鹹蛋黃意粉係用扁意粉。兩款意粉都軟硬適中，各有其獨特口感。我鍾意食蟹但唔鍾意拆殼，呢度已經一早將蟹拆晒殼，啖啖蟹肉啱晒我！😍 鹹蛋黃分成一粒粒，食落有口感👍🏻同朋友各點左一杯飲品：Unicorn同牛油果乳酸沙冰。Unicorn用紅肉火龍果同埋藍莓製成，本身好清，冇乜甜味，將忌廉撈埋一齊飲，忌廉嘅甜味混入其中，甜度啱啱好！牛油果乳酸沙冰味道酸酸的，幾特別。