茴香 (已結業)

同朋友約咗好耐先約到出黎食飯，一約到，朋友就即刻介紹呢間fusion餐廳俾我，話呢間係泰式fusion餐廳。泰西小食拼盤 $138拼盤有去骨酸辣鳳爪、蝦餅、泰式春卷、巴馬火腿蜜瓜卷、蜜糖雞翼、煙三文魚卷，估唔到泰式小食拼盤入面會有巴馬火腿蜜瓜卷同埋煙三文魚卷。馬拉盞炒通菜 $68平時食既馬拉盞通菜用咗好多馬醬，令到食落既時候味道太濃，呢個反而清清地，味道唔會太濃。芭提雅燒羊鞍配泰式青咖喱汁 $218呢個羊鞍好有驚喜，我地叫咗五成熟，一上碟已經覺得碟餸好靚，而且咖喱汁係啱啱煮好既，上碟既時候仲睇到佢沸騰既泡泡移動，羊鞍亦都好嫩，每一啖都食到羊既味道同嫩滑，真心推介👍🏻泰國芒果糯米飯配是日蛋糕 $108又係另一推介之作，因為我地去食既時候已經唔係芒果既季節，但芒果食落去仲好鮮甜同Juicy，另外，糯米飯都做得好出色，配合醬汁，食落真係好滿足，而今次既蛋糕係Tiramisu，食落雖然無平時既Tiramisu咁濃酒香，味道偏淡，但唔會搶咗芒果糯米飯既味道。店員真係好nice，佢地會不時留意顧客需唔需要加水或收拾餐枱。