Fifty Fifty (已結業)

好少過來長沙灣食飯，今次朋友又帶我去食好西，餐廳環境舒適，燈光柔和。落單用QR Code幾先進。點了兩個主菜每款加$20就有餐湯，飲品和甜品。牛肝菌忌廉湯，好香滑又好美味。香蒸海鱸魚魚柳配蕃紅花忌廉汁，海鱸魚煎到皮脆肉嫩，魚肉嫩滑沾上忌廉汁好香滑，配菜薯蓉又香滑美味。大虎蝦蟹皇羔意大利飯，雖然得一隻虎蝦但隻蝦大大隻又爽口彈牙，意大利飯啖啖蟹羔香味又入味，飯軟硬適中有咬口又煙韌。跟餐甜品廿芝士蛋糕好香濃。跟餐加$30轉甜品四重奏，芝士蛋糕，意大利芝士蛋糕，脆脆忌廉班戟和雪糕。意大利芝士蛋糕好creamy,班戟又煎到好香配上好滑的忌廉。