影片
更多
2023-03-02
364 瀏覽
好耐無食fine dining🍽，老公今晚帶咗我嚟K11 Musea嘅Velo食意大利菜😍😍，一間結合藝術與美食嘅餐廳。 餐廳除咗提供à la carte menu，亦都有semi buffet，我哋今次就試下à la carte先。 Starter 方面揀咗個Chef's Special香煎西班牙八爪魚配檸檬酸瓜柳汁🐙，八爪魚表面燒得好香，但內裡口感仍然保持軟糯，配埋檸檬酸瓜柳汁，酸酸甜甜，清新醒胃。 另一款starter係香煎鵝肝配焗蘋果🍎，鵝肝表面帶脆感，鵝油香味濃郁，食落去有入口即化幼滑嘅質感。多士吸咗鵝油嘅香味，食落去口感豐富。酸咪咪嘅焗蘋果配埋鵝肝一齊食，中和油膩感。 牛肉眼扒350grm🐮，份量都非常之大份，牛扒煎得好香，加少少鹽進食更可以食到其原汁原味。 焗波士頓龍蝦🦞好新鮮，龍蝦肉爽口彈牙，配菜有沙律菜、車厘茄、露筍，爽甜新鮮。 原本想揀個Tiramisu，見到隔離檯點咗個甜品拼盤好靚，我又心思思想吃，最終改咗個甜品拼盤，有5款唔同嘅蛋糕，原來係隨機抽㗎，唔怪之得同隔離檯有啲唔同。 歡樂聖誕圈：係香芋味嘅蛋糕，我至愛嘅味道😍 牛奶朱古力脆皮蛋糕：好似一粒大金莎朱古力咁
好耐無食fine dining🍽，老公今晚帶咗我嚟K11 Musea嘅Velo食意大利菜😍😍，一間結合藝術與美食嘅餐廳。
餐廳除咗提供à la carte menu，亦都有semi buffet，我哋今次就試下à la carte先。
Starter 方面揀咗個Chef's Special香煎西班牙八爪魚配檸檬酸瓜柳汁🐙，八爪魚表面燒得好香，但內裡口感仍然保持軟糯，配埋檸檬酸瓜柳汁，酸酸甜甜，清新醒胃。
另一款starter係香煎鵝肝配焗蘋果🍎，鵝肝表面帶脆感，鵝油香味濃郁，食落去有入口即化幼滑嘅質感。多士吸咗鵝油嘅香味，食落去口感豐富。酸咪咪嘅焗蘋果配埋鵝肝一齊食，中和油膩感。
牛肉眼扒350grm🐮，份量都非常之大份，牛扒煎得好香，加少少鹽進食更可以食到其原汁原味。
焗波士頓龍蝦🦞好新鮮，龍蝦肉爽口彈牙，配菜有沙律菜、車厘茄、露筍，爽甜新鮮。
原本想揀個Tiramisu，見到隔離檯點咗個甜品拼盤好靚，我又心思思想吃，最終改咗個甜品拼盤，有5款唔同嘅蛋糕，原來係隨機抽㗎，唔怪之得同隔離檯有啲唔同。
歡樂聖誕圈：係香芋味嘅蛋糕，我至愛嘅味道😍
牛奶朱古力脆皮蛋糕：好似一粒大金莎朱古力咁口，不過味道就比較甜啲。
朱古力蘭姆酒蛋糕：熊仔外型🐻嘅朱古力蛋糕，酒味唔算好濃。
紅莓蛋糕：兔仔外型好可愛🐰，入面有肉桂蘋果粒，口感唔錯。
香橙流心芝士蛋糕🍊：外型整到成個橙咁，好可愛，有啖啖橙香味，芝士味又唔會太濃。
好滿足嘅一餐🥰
張貼
