Diletto (已結業)

今日約咗朋 友食fine dining, 我哋揀呢間餐廳, 因為餐廳佈置十分之精美, 一直好想黎都冇機會。係呢度無論點樣影都會影到好靚嘅花花世界，好似置身喺花園入面嗰度食嘢一樣 。 我哋首先嗌咗碗龍蝦湯share，味道十分濃郁，都很creamy. 仲有兩嚿新鮮龍蝦肉, 真係好耐冇飲過咁鮮甜嘅龍蝦湯呀。加埋個餐包好正。第一個主菜係classic pizza， pizza上有芝士蕃茄片。pizza係大批嘅size, 雖然係薄嘅, 但係十分飽肚, 上面有好多份量嘅芝士同埋 微溫嘅蕃茄片，十分match。第二個主菜係carbonara餐廳用左好多菇，最底更有三隻花甲好juicy，海水味十足也很新鮮飽滿. 意粉食落好煙韌，個汁好濃香。總結： 環境優美，食物質素高，係貴左少少，但可換來安靜愉快既晚餐。