Barista by Givrés

營業中

休息中

一直都見到蘇豪區有好多有特色嘅餐廳，cafe，所以就專程黎試下。我就叫左一個everything toast，rose latte同gelato。Everything toast 多士上面搽左加左葱嘅cream cheese 然後放左煙三文魚片 ，再加上用牛油果片捲成嘅花花，淨係睇都好吸引，用嚟影相打卡一流吖，搞到我影左好耐相。多士包皮比較硬，包就好鬆軟，口感十足，三文魚加埋酸酸地嘅cream cheese配合得好好，牛油果夠哂熟，夠稔吖。見到隔離仲有一個桃紅色醬可以點，原來係鷹嘴豆泥，有少少酸酸地，可以點黎試味。😋Rose latte好快都上埋😌。見到有靚靚嘅天鵝拉花，加埋玫瑰花瓣粒點綴，好有少女心。飲落去奶味較重，就算係怕苦嘅朋友都可以放心嗌，唔驚苦😋。夏日熱辣辣，食極都唔飽，所以叫多左個gelato，食甜品。可以見到有唔同嘅雪糕味俾我揀。我最後揀左白桃同開心果😗。果然有少女心，連雪糕都畢到花瓣咁，仲有唔同顔色，放係雪糕架上面，影相都靚啲。白桃雪糕酸酸地，開心果雪糕唔係周圍都有咖，見到真係好驚喜。雪糕筒夠脆heheh夏天可以慢慢歎。