Casa Di Luna (已結業)

今次嚟到以外太空做主題既餐廳，打卡位非常多，天花上佈滿月球燈飾裝飾，牆上亦有太空人，喺夜晚食飯嘅時候感覺就像置身外太空，勁有Feel。番茄流心蟹肉盒今次叫左Set Dinner，前菜揀左個蕃茄菜式，酸酸甜甜，一切開流心蛋流出半熟蛋黃，加上蟹肉，口感好清新。龍蝦湯顏色好靚，味道非常濃郁，唔會好咸，鮮味亦好足夠。虎蝦配龍蝦汁意大利麵主菜選擇左意粉，意粉好有咬口，時間恰到好處，亦好掛汁，意粉吸哂龍蝦汁既味道，加上少量蕃茄，食唔停口，不過最正係隻大虎蝦，唔止大隻，仲好彈牙，去埋殼啖啖肉值得加分。封門牛柳配惹菌燒汁齋睇肉質顏色都知好食，生熟程度剛好，食材本身已經高質，輕輕煎到半生熟已經好正，咬落口係充滿肉汁，鮮甜嫩滑，非常值得推薦。Tiramisu 雖然食到呢到已經飽飽地，但一講到甜品就梗係用第二個胃，淨係個擺盤都加哂分，用月球碗裝住，咖啡味唔會太搶，口感綿滑，質感比較Creamy，為今餐完美作結。