影片
更多
2020-09-22
191 瀏覽
行完一田有啲肚餓，就喺附近搵嘢食。一田超市入邊有food court，比呢度嘅玉子燒吸引咗，所以決定食呢間！呢度嘅Menu選擇都唔少，除咗有佢哋最signature嘅玉子之外，原來仲有啲定食例如壽喜燒，豬扒，仲有鰻魚飯，烏冬等等，價錢都幾抵。玉子咁吸引，一定要試！我哋兩個人揀咗一個玉子同埋一個定食！明太子玉子 $59唔好以為得雞蛋會唔飽，超大件同埋足料！有6件，食得出個雞蛋材料唔錯，好香雞蛋味！而且好香滑！配上啖啖明太子，多到可以漏出黎，而且明太子嘅鹹味同鮮味令玉子燒錦上添花。好正！玉子燒牛肉壽喜燒定食 $79如果驚唔夠飽嘅話就可以選擇定食，跟餐有玉子燒，主菜，沙律，麵豉湯，飯同埋飲品(綠茶）。呢個餐都會有三個原味玉子燒，冇配料嘅話更加食得出個蛋味。一樣係咁香滑軟熟。壽喜燒都好吸引，牛肉唔會過熟，多汁，醬汁甜甜地，而且仲有洋蔥做配料，牛肉同洋蔥都好入味，送飯一流。除咗主菜之外，沙律同埋麵豉湯味道都唔錯，沙律菜新鮮，配上麻醬好開胃。一個定食有咁多嘢食，性價比唔錯。👍🏻而且food court內坐得都幾舒服，環境都幾衛生，下次行完街可以再嚟食！
呢度嘅Menu選擇都唔少，除咗有佢哋最signature嘅玉子之外，原來仲有啲定食例如壽喜燒，豬扒，仲有鰻魚飯，烏冬等等，價錢都幾抵。
玉子咁吸引，一定要試！我哋兩個人揀咗一個玉子同埋一個定食！
明太子玉子 $59
唔好以為得雞蛋會唔飽，超大件同埋足料！有6件，食得出個雞蛋材料唔錯，好香雞蛋味！而且好香滑！配上啖啖明太子，多到可以漏出黎，而且明太子嘅鹹味同鮮味令玉子燒錦上添花。好正！
玉子燒牛肉壽喜燒定食 $79
如果驚唔夠飽嘅話就可以選擇定食，跟餐有玉子燒，主菜，沙律，麵豉湯，飯同埋飲品(綠茶）。呢個餐都會有三個原味玉子燒，冇配料嘅話更加食得出個蛋味。一樣係咁香滑軟熟。
壽喜燒都好吸引，牛肉唔會過熟，多汁，醬汁甜甜地，而且仲有洋蔥做配料，牛肉同洋蔥都好入味，送飯一流。
除咗主菜之外，沙律同埋麵豉湯味道都唔錯，沙律菜新鮮，配上麻醬好開胃。
一個定食有咁多嘢食，性價比唔錯。👍🏻
而且food court內坐得都幾舒服，環境都幾衛生，下次行完街可以再嚟食！
張貼
