影片
更多
2018-08-23
15 瀏覽
「斬料，斬料，斬大嚿叉燒～」呢首歌唔知係邊度流傳開來不過由細到大聽到大。睇電視劇集成日出現嘅場景，一有值得慶祝嘅事情，香港人就會買燒味返屋企加餸。當一樣平民嘅食物越做越高級，連酒店都可以將叉燒變成暗然銷魂飯，定上$100多嘅價錢，其實呢件事情真係有啲瘋狂，但係亦都正正反映左叉燒、燒鵝呢類型嘅燒味係香港人嘅「獨有產物」。話口未完，最近朗豪坊food court新開左一間餐廳，主打同樣係燒味，更加有大家成日聽嘅暗然銷魂飯見到嘅時候咁啱食飽午餐，但見佢嘅叉燒燒味幾肥美多汁，所以就買咗幾盒返屋企晚餐。燒鵝髀飯 $98一隻燒鵝得兩邊髀，限量發售而且價錢相對比較貴，絕對合理。有人可能覺得唔值寧願食普通燒鵝肉，但係燒鵝髀嘅啖啖肉，而且肉質嫩滑軟腍，識得欣賞嘅人自然會明白。$98或者真係相對比較貴，但係佢比其他部位少骨頭；不過可能因為放咗喺食物盒放左一陣，到返到屋企食嘅時候塊皮已經唔算特別脆。貴妃滑雞飯 $42雞肉往往都係最容易食得出一間餐廳嘅品質；呢度嘅貴妃雞肉質相當滑多汁，唔算太油，縱使拎到返屋企嘅時候，雞已經凍左，但係佢反而無凝固左一層脂肪油。少量嘅雞油滲落下面嘅飯底，令白飯多左陣油香。蜜汁叉燒
呢首歌唔知係邊度流傳開來不過由細到大聽到大。睇電視劇集成日出現嘅場景，一有值得慶祝嘅事情，香港人就會買燒味返屋企加餸。當一樣平民嘅食物越做越高級，連酒店都可以將叉燒變成暗然銷魂飯，定上$100多嘅價錢，其實呢件事情真係有啲瘋狂，但係亦都正正反映左叉燒、燒鵝呢類型嘅燒味係香港人嘅「獨有產物」。
話口未完，最近朗豪坊food court新開左一間餐廳，主打同樣係燒味，更加有大家成日聽嘅暗然銷魂飯
見到嘅時候咁啱食飽午餐，但見佢嘅叉燒燒味幾肥美多汁，所以就買咗幾盒返屋企晚餐。燒鵝髀飯 $98
一隻燒鵝得兩邊髀，限量發售而且價錢相對比較貴，絕對合理。有人可能覺得唔值寧願食普通燒鵝肉，但係燒鵝髀嘅啖啖肉，而且肉質嫩滑軟腍，識得欣賞嘅人自然會明白。$98或者真係相對比較貴，但係佢比其他部位少骨頭；不過可能因為放咗喺食物盒放左一陣，到返到屋企食嘅時候塊皮已經唔算特別脆。貴妃滑雞飯 $42
雞肉往往都係最容易食得出一間餐廳嘅品質；呢度嘅貴妃雞肉質相當滑多汁，唔算太油，縱使拎到返屋企嘅時候，雞已經凍左，但係佢反而無凝固左一層脂肪油。少量嘅雞油滲落下面嘅飯底，令白飯多左陣油香。蜜汁叉燒飯 $42
叉燒算係咁多人食物之中最親民最普遍嘅燒味。呢度嘅叉燒脂肪唔算多，未至於入口即溶，但係佢瘦嘅部位亦都唔會食落好乾；甜甜地嘅蜜糖有冇搶晒豬肉嘅肉味，兩者互相配合，相當出色！呢啲餐可以加錢配時菜同埋鹹蛋/糖心蛋，等大家唔使咁dry淨係食一款菜同食飯。
嚟到嘅時候咁岩係下午茶時間，所以有啲份量會細啲，但係價錢平啲；除咗飯類，仲有供應麵類，但係可惜因為要拎走嘅關係，避免湯麵發脹，所以就無緣食到了。
張貼
