OH MY GOOSE! (已結業)

去開朗豪坊做facial，時間無多，總要食個快飯。Food Court自然成為我的目的地，今次比我留意到有一間幾有特色的店。表面上係賣燒味飯，但就有唔少創新的元素，餐牌亦好夠創意，甚有看頭。我同朋友仔食咗招牌的黯然銷魂飯，冇錯，就係叉燒煎蛋飯。看似簡單的一個飯，做得好食就殊不簡單。叉燒首先要肥瘦均勻，又要夠香口。煎蛋一定要係半熟，蛋漿緩緩流出，融入飯粒當中，先至係最美味。另外，我哋亦點左炸雞髀飯。大大隻的雞髀已被起骨，炸得酥香。而且醬汁同配菜都幾夠誠意。整體食物都算有誠意，而且味道唔錯，最重要係價錢好相宜。快靚正，算係Food Court內唔錯的選擇。