大尚宮

營業中

休息中

今日喺香港工業中心行街，已經到晚飯時間，又係時候搵野食，見到C座盡頭有個牌閃閃吓，原來地庫有個food court,果度都有好幾間唔同嘅食店，我地就簡咗呢間韓式小店。韓式石鍋飯，佢地都好似車仔麵咁可以簡餸，我就簡咗豬頸肉，個石鍋熱辣辣，個飯入面配料都有好多蔬菜，上面仲有煎蛋同大量紫菜，撈混晒d餸食一啖真係幾好食，好夠味，而d豬頸肉唔算太肥，都幾好味。食韓國野唔少得要食紫菜飯卷啦，佢地嘅飯卷都幾足料，有腸仔，肉鬆，醃黃瓜，蛋同蝦乾，食落d飯口感都幾好，煙煙韌韌，d配料又好味，所以食一卷已經好夠飽。佢地每款主食都配埋泡菜，d泡菜都幾好食。