泰‧雅

營業中

休息中

估唔到food court 入面隱藏左一間好食泰國菜！食物都算多選擇，泰國船麵可以好似車仔麵咁揀餸，不過我都係想試炒金邊粉同海南雞飯～泰式炒金邊粉$68酸酸甜甜好開胃，炒得香，唔會太油膩。海南雞飯$65雞肉嫩滑，油雞充滿雞油香。另外加左三個小食，$13 香葉包雞，$13 豬頸肉同 $20 炸蝦餅，價錢黎講非常抵食！香葉包雞一舊係一口份量，香葉嘅香氣滲左落雞肉度；豬頸肉一直都係我最愛，煎得好香；炸蝦餅彈牙香口。食完超滿足啊！