G Bar

營業中

休息中

今日係K11 MUSEA搵食，經過B2 樓層嘅food court，全個場嘅環境和食物都很吸引，裝修時尚優雅，仲有好多舒適嘅卡位，商場仲播放着Jazz 音樂，感覺好似去咗高級餐廳。今次揀咗一間叫「G Bar」嘅餐廳，因為居然有海鮮拼盤食。頂級海鮮拼盤兩層嘅海鮮拼盤，感覺高級，包括有波士頓龍蝦、生蠔、海蝦、青口、大蜆和八爪魚。可以用超級新鮮來形容，生蠔飽滿，而且有海水味、龍蝦開咗邊，creamy嘅龍蝦膏保留着，龍蝦鉗啖啖肉。青口仲有成半隻手板咁長。呢個海鮮拼盤性價比超高。芝士焗肉醬意粉意粉面層嘅芝士焗得卜卜脆，芝士味濃郁，底層嘅意粉夠juicy，不會太乾身。肉醬嘅味道濃郁，呢個意粉真係有水準。烤水牛城雞翼雞皮烤得微脆，但肉質還保持嫩滑，配上水牛城嘅辣汁，味道十分豐富。薑汁鮮奶咖啡 用上新鮮薑汁，所以薑嘅味道好出，但沒有蓋過咖啡嘅味道，抵讚。