八幡屋涮涮鍋 (已結業)

無錯喇，呢間八幡屋係係food court裡面架，真係唔講都唔知🤔🤔🤔聽朋友講呢度既放題好多野食，又有熟食，又有打邊爐，又有刺身，今日就同朋友黎試下，入到去環境都不錯，一入門口已經見到好多熟食，有師傅不斷refill，坐低之後店員就俾左menu我地睇，有2種任食，一種係無海鮮同刺身，只有一般打邊爐食物，熟食，任飲等等，而另一種係乜都有得你食，因為我地中意食海鮮同刺身，所以揀貴少少果種，而貴少少果種任食只要一天前預約定2人以上，就會送和牛牛肉一碟，呢碟牛肉真係好好味，好林👍🏻湯底我地就揀左豬骨湯，等左陣之後湯底黎喇，我地已經出去拎齊打邊爐材料😂😂😂😂亦都叫左好多刺身，同d海鮮，d刺身好厚切，亦都好新鮮，我地都不停encore刺身，咁既價錢已經抵返晒啦，飲品選擇都有好多，最後就係甜品，佢地係雀巢公司杯裝果隻，好懷舊，好味🥳🥳🥳