高橋沾麵製作所 (已結業)

大角咀奧海城入面餐廳非常多，最平既餐廳全部都係food court入面，今日試左其中一間－高橋沾麵製作所。一聽餐廳名字就知道沾麵係主打，我同朋友分別叫左龍蝦沾麵同豚肉魚介沾麵。- 高橋龍蝦沾麵沾汁既龍蝦味好濃郁，掛湯能力唔錯。麵條較粗身乾爽。入面仲有幾粒龍蝦肉，$69嚟講味道合格有餘。- 豚肉魚介沾麵魚介幾香，湯汁濃淡適中，入面好多肉。另外叉燒大件，肉質幾鬆化，仲有溏心蛋同荀，但沾汁略嫌唔夠熱。總括而言，兩款沾麵都唔錯，下次試下職員推介既炸物先！