影片
更多
2018-08-21
470 瀏覽
近九龍灣地鐵站嘅 food court 得PIAGO 內，food court 內嘅食店唔多，總可以揾到一間啱食。黎神戶北之板已經好多次了，黎親呢度 food court 多數食呢間，呢度food court勝在唔多人，比起德福廣場內嘅食肆，呢度算幾抵食，又唔駛點等位。從店名會以為神戶北之板係食日式定食，呢度係食和式洋食，帶點西餐風。今次點左芝士焗意大利肉醬千層麵套餐，除左主食外，仲有沙拉、湯同飲品，凍熱飲品價錢一樣。芝士焗意大利肉醬千層麵: 睇見芝士好似好厚，仲以為份量好多，非也。其實千層麵並非千層麵，而係濶條麵而已，三層濶條麵其實食幾啖都冇晒，極度唔夠飽，濶條麵撈埋少少肉醬，味道一般。芝士唔算落得多，少少而已，所以唔多夠芝士味。肉醬亦都唔多，肉醬味唔濃，一般而已，唔似其他餐廳嘅肉醬意粉咁啖啖肉醬。食咁多次之中，呢次份量係最少。沙拉係最穏定，每次味道一樣，沙律菜夠新鮮清爽，惟沙律汁太多，如果另上沙律汁或放埋一邊，隨自己喜好落幾多就最好。湯係麵豉湯，少少咸，配意粉就怪怪咁。之前多數係粟米忌廉湯，洋食飲麵豉湯好似唔多夾，粟米忌廉湯比較適合啲。飲品就要左凍檸茶走冰，正常好味。如果下次再黎
芝士焗意大利肉醬千層麵套餐
$53
36 瀏覽
0 讚好
0 留言
近九龍灣地鐵站嘅 food court 得PIAGO 內，food court 內嘅食店唔多，總可以揾到一間啱食。黎神戶北之板已經好多次了，黎親呢度 food court 多數食呢間，呢度food court勝在唔多人，比起德福廣場內嘅食肆，呢度算幾抵食，又唔駛點等位。
從店名會以為神戶北之板係食日式定食，呢度係食和式洋食，帶點西餐風。今次點左芝士焗意大利肉醬千層麵套餐，除左主食外，仲有沙拉、湯同飲品，凍熱飲品價錢一樣。
芝士焗意大利肉醬千層麵: 睇見芝士好似好厚，仲以為份量好多，非也。其實千層麵並非千層麵，而係濶條麵而已，三層濶條麵其實食幾啖都冇晒，極度唔夠飽，濶條麵撈埋少少肉醬，味道一般。芝士唔算落得多，少少而已，所以唔多夠芝士味。肉醬亦都唔多，肉醬味唔濃，一般而已，唔似其他餐廳嘅肉醬意粉咁啖啖肉醬。食咁多次之中，呢次份量係最少。
沙拉係最穏定，每次味道一樣，沙律菜夠新鮮清爽，惟沙律汁太多，如果另上沙律汁或放埋一邊，隨自己喜好落幾多就最好。
湯係麵豉湯，少少咸，配意粉就怪怪咁。之前多數係粟米忌廉湯，洋食飲麵豉湯好似唔多夾，粟米忌廉湯比較適合啲。
飲品就要左凍檸茶走冰，正常好味。
如果下次再黎，都係穏定啲，食番之前果啲就冇甩拖了。
張貼
