濟州燒肉食堂

營業中

休息中

德福廣場二期比人嘅感覺係人流少，位置隔涉，原來上層食肆林立。一個迷你Food court有齊多國菜式，大部分唔屬於連鎖店，而價錢亦相對高。於濟州燒肉食堂如食客光顧燒烤部份，就會有餐廳職員服務；如只點普通套餐或飯類，則要自行去公眾座位，自助點餐機購買。食物方面 - 人蔘雞湯配白飯︰半隻黃油雞份量，肉味偏淡，但經餚煮後帶出輕微人蔘味，感覺健康開胃。中間釀入糯米飯，每粒都吸收所有雞油及湯底精華。湯底有好多人蔘粒、幾粒粉軟栗子，甘苦與清甜集結，足料蔘湯拌飯就唔覺意食咗2／3碗珍珠飯。(註︰紫菜珍珠飯大大碗，煲得軟糯但唔散爛，硬度適中。)傳統炒粉絲︰燒醬甜度適中，炒粉絲彈牙入味。加上海量配料、蛋絲、椰菜、甘筍絲、肉粒、菇菌等，味道豐富。唯一係油份太多，好重脂膩飽濟感，就算味道不錯都難以完食。總結︰雖然食材唔係高級，但廚師調味方面卻係有誠意，會按香港人口味而改變。主食份量多，女士需要共同分享，男士可以有豐富飽足感。性價比中級。