金鶴拉麵 (荷李活道) (已結業)

金鶴拉麵嘅雞白湯不嬲都好多人推介，不過我另外更加鍾意佢呢度有唔同嘅限定拉麵款式。今次就去咗中環搵工嘅朋友食晚飯，見到佢個限定拉麵有龍蝦湯拉麵，唔同價錢可以揀龍蝦湯配搭龍蝦尾或單純龍蝦湯。朋友係龍蝦迷，就當然揀埋龍蝦尾！（跟住再開心share）極濃龍蝦湯拉麵 $198 （配一隻龍蝦尾）估唔到個龍蝦湯湯底真係有啲似西式龍蝦湯，好香濃，擺明係用足料，鮮味十足，帶有輕微鹹香，我哋未食過拉麵之前都係咁飲湯。而佢表面嘅龍蝦味同樣爽口彈牙，比想像中鮮味得多～ 絕對唔係剩係得個樣。而且亦都配搭有紫菜、糖心蛋、豚肉，整體相當豐富。金鶴雞白湯拉麵$98雞白湯基本上係必食之選，佢有得揀基本定係極濃，價錢有啲唔同，因為龍蝦湯係極濃，所以雞白湯今次就揀基本口味。但係同樣好香滑，雞香突出！而且仲有兩件慢煮雞胸，比想像中嫩滑得多。我見有啲人都有叫埋串燒啤酒等等，下次都試吓嚟Chill下！