茶。家 (已結業)

係上環半山既茶家,睇名都知特別文青,出面有假草坐＿入面幾正~~茶。家 teakha@上環洛神花薄荷茶(6/10)($40)睇個名都知茶。家好文青,點解呢?因為係都要加個句號落中間,哈哈,講笑。呢杯茶foodki就麻麻地鍾意飲,但同行就好鍾意,我覺得呢杯野有啲似酸梅湯,唔岩foodki口味。茶。家 teakha@上環綠茶起司蛋糕(8/10)($42)green tea cheesecake呢個綠。茶。起。司。蛋。糕。就正啦。質感超軟滑,餅底薄薄地，好香，好好食啊。綠茶味好甘香,芝士味好濃,但混合起黎可以話係完美,無一邊既味被另一邊取代,就好似周星馳唔可以無左吳孟達一樣。十八號，三月十八號，二零一五年三月十八號下午三點之前一分鐘我同你食左個好好味既綠茶芝士蛋糕，因為你，我會記住呢分鐘。對唔住，我食完呢個蛋糕我覺得自己已經唔係偽文青，成為左真真正正既文青。