Le Fournil (已結業)

近一、兩個月，唔知典解，好想去九龍城，一個久違了的地方。查實，又不是衝著那間餐廳而去。新三陽買點南貨也好，聯發飲杯奶茶亦好，總之想去。結果呢，只是去了美東村的義興冰廳，吃了個午餐，飲左杯茶走，我份人真係幾奇怪。難得來到，回程時，買點甜的，與家人分甘同味，一向是筆者的作風。目標是豪華餅店…旁邊的Le Fournil, 認住那大大隻的Forever Friends熊仔，就唔會有錯。餅櫃內七彩繽紛的蛋糕，款款都咁吸引，教人眼花瞭亂。仲使問? 選擇困難症梗有發作喇，好不容易才取了兩件蛋糕。其中之一，是紅嗓子意大利芝士餅，紅噹噹的顏色，巧誘人。鬆軟的質感，芝味輕怡，沒有蓋過紅嗓子的酸甜味，蠻醒胃的。另一款，Green Tea Opera，綠茶味醇厚，又甜。反而，這件的口感煙煙韌韌，與剛才的那款，截然不同。不過，都有共通點，就是味道不俗。蛋糕以外，亦買了曲奇回去。平日來來去去，都是牛油、朱古力，或者咖啡口味，頂多加款綠茶。眼見有十分新鮮的蝦籽口味，毫不猶豫的選了。頗鬆化的，帶蝦籽的咸香，又幾特別喎。仲有雪糕櫃，又忍唔到口，點來一球。秉棄了重口味，要了益力多味，大家應該估我唔到。飽飽的這個momen