盈福小廚 (已結業)

好耐之前就係網上search過盈福小廚，之前就已經一直都好想嚟，今日終於有機會啦！！呢間餐廳里Bape唔系好遠，古色古香嘅裝飾同埋簡潔乾淨嘅門面都係好吸引人嘅。 點咗白酒鮮胡椒浸花甲、銀鱈魚塊、1隻青島啤，飯後仲有紅豆沙送添！！~~··· 兩個人食咗400幾蚊，茶位系10蚊一位，服務費系40蚊。胡椒浸花甲，胡椒味好香，滲曬啲花甲肉入面，所以食花甲嘅時候會覺得辣辣地，好有味！而且花甲新鮮~~ 銀鱈魚塊，頭抽嘅味道好正，有少少甜味又唔會覺得好鹹，鱈魚無乜魚骨，而且魚肉新鮮好食！ 雖然系送嘅紅豆沙，不過整得一啲都唔馬虎，好好味啊@@！入面仲有好多料，譬如話蓮子。口感細滑~