影片
更多
2010-09-14
24 瀏覽
話說食完韓國野餐已經飽到上心口,,不過食完嘢點都要飲嘢ge(爛藉口),,頂硬上去買plan咗要飲ge smoothie!就喺尖東嗰度有幾受歡迎ge holly cow,,不過今次唔係去嗰度,,而係隔離鋪ge yoggieyoggie只係佔一小個位置,,長條形ge店鋪只有一個半人ge身位,,做飲品店都兼唔夠位,,佢竟然開間froyo店,,雖然店舖小小,,但相當整潔有條理又話黎飲smoothie但又話佢係froyo店?兩樣都冇講錯,,因為佢喱度係smoothie底再喺上面加froyo同topping,,就係喱個賣點吸引我飽到喊都要試,,冇咩幾可去尖沙咀嘛佢有晒steps教你點揀,,由smoothie,,到froyo size,,再到toppings首先睇睇smoothie有咩味先!佢有九個組合,,每個組合都係由兩到三種水果組成,,佢應該唔係次次都一樣,,可能入到咩貨再會轉下配搭咁第二部就係揀要大杯定細杯,,當時幫襯細杯$18,,大杯$20,,咁梗係大杯抵啦,,對比起其他店佢喱度真係好抵食,,雖然froyo冇其他咁多,,但佢ge smoothie係由新鮮水果打成,,仲有份量充足的toppin
就喺尖東嗰度有幾受歡迎ge holly cow,,不過今次唔係去嗰度,,而係隔離鋪ge yoggie
yoggie只係佔一小個位置,,長條形ge店鋪只有一個半人ge身位,,做飲品店都兼唔夠位,,佢竟然開間froyo店,,雖然店舖小小,,但相當整潔有條理
又話黎飲smoothie但又話佢係froyo店?兩樣都冇講錯,,因為佢喱度係smoothie底再喺上面加froyo同topping,,就係喱個賣點吸引我飽到喊都要試,,冇咩幾可去尖沙咀嘛
佢有晒steps教你點揀,,由smoothie,,到froyo size,,再到toppings
首先睇睇smoothie有咩味先!佢有九個組合,,每個組合都係由兩到三種水果組成,,佢應該唔係次次都一樣,,可能入到咩貨再會轉下配搭咁
第二部就係揀要大杯定細杯,,當時幫襯細杯$18,,大杯$20,,咁梗係大杯抵啦,,對比起其他店佢喱度真係好抵食,,雖然froyo冇其他咁多,,但佢ge smoothie係由新鮮水果打成,,仲有份量充足的toppings,,如果佢開喺銅鑼灣或者旺角,,我一定成日幫襯
第三個step就係揀toppings,,可以揀2款,,雖然店小小但toppings種類不會比其他店遜色,,有大路ge水果,,粟米片等等,,仲有比教少見ge小麥胚芽,,蘋果蜜等
佢地隻匙好得意ga,,係一片葉ge形狀,,配合返小店清新ge感覺,,頗有心思
我地點咗蘋果+藍莓+啤梨smoothie base,,toppings就揀咗藍莓+百香果醬
smoothie base似沙冰多d,,不過都幾好味,,唔會過甜,,
而且真係用鮮果打成,,食到一點點果肉
而froyo就係我鍾意ge質地,,而且夠晒乳酪味!
toppings都好唔錯,,份量都幾多下,,藍莓夠新鮮
另外本來想叫芒果蓉,,但冇晒,,店員話有百香果醬,,一於試下!估唔到係新鮮百香果黎ge,,有驚喜,,不過淨食百香果會好酸,,撈埋froyo同smoothie就啱啱好
本身見佢咁平以為都係流嘢,,點知好唔錯,,toppings有新意,,而且價錢經濟,,有得飲又有得食,,食得過!
張貼
