影片
更多
2011-01-11
80 瀏覽
10月27日, 是晚有事要出旺角, 呀菲堅持要嚟呢一間食, 走到老遠去到佐敦都想食咁話, 望到入面已經好多人, 開頭有位外籍服務員話今晚full booking! 嘩平日啫都咁多人? 好好彩呀, 佢睇完schedule之後最後都有一張2人枱俾我地, 雖然位置麻麻坐得都幾迫, 不過佢地嘅食物好似好吸引wor~ 呀菲今次應該冇介紹錯卦~::: 炸雜菜 :::先來個餐前小食, 喺黑暗嘅環境底下真係睇唔出係d乜野, 食落口先知係嗰d印度式嘅炸雜菜~ 已經唔熱, 只有微暖, 但係口感都幾豐富~ 味道濃郁, 落足印度香料去炸~ 2小粒, 唔太夠, 不過作為餐前小食, 已經足以令我胃口大開~::: 四季薄餅 ::: $92呀菲極力推介的小酒窩招牌菜, 好似每一枱都必叫, 睇到廚房久唔久就出一個~ 認真當之無愧! 賣相唔算特別, 不過精髓就在餅底, 芝士, sour cream同面頭嘅一小滴泰式辣醬~ 果真好fusion! 薄餅配sour cream加泰式辣醬真係未見過, 但係出嚟嘅味道少少酸辣又十分惹味, 再配上雞肉, 芝士, 蘑菇等材料又好夾wor, 仲非常開胃! 再講個餅底, 真係好脆! 厚得
::: 炸雜菜 :::
先來個餐前小食, 喺黑暗嘅環境底下真係睇唔出係d乜野, 食落口先知係嗰d印度式嘅炸雜菜~ 已經唔熱, 只有微暖, 但係口感都幾豐富~ 味道濃郁, 落足印度香料去炸~ 2小粒, 唔太夠, 不過作為餐前小食, 已經足以令我胃口大開~
::: 四季薄餅 ::: $92
呀菲極力推介的小酒窩招牌菜, 好似每一枱都必叫, 睇到廚房久唔久就出一個~ 認真當之無愧! 賣相唔算特別, 不過精髓就在餅底, 芝士, sour cream同面頭嘅一小滴泰式辣醬~ 果真好fusion! 薄餅配sour cream加泰式辣醬真係未見過, 但係出嚟嘅味道少少酸辣又十分惹味, 再配上雞肉, 芝士, 蘑菇等材料又好夾wor, 仲非常開胃! 再講個餅底, 真係好脆! 厚得嚟仲食到好似餅乾嘅香脆, 又唔會硬到黐牙, 仲帶少少燶香, 焗製時間剛好, 好美味~ 一個大大嘅薄餅我地2人食真係啱啱好, 如果細食d 3個人食就剛好一人2件, 又可以食多d其他野~
::: 燒豬肋骨 ::: $78
因為個薄餅份量唔少, 我地都只係叫多咗一樣食物, 就已經夠了~ 呢個燒肋骨價錢咁公道, 心諗應該唔多… 不過原來份量都唔細wor, 仲有椰菜沙律同薯角伴碟~ 不過佢唔係babyribs, 肉地小韌, 無babyribs咁淋. 味道就略為淡口, 不過有搽bbq醬, 都可以吊番d味~ 炸薯角都炸得幾香口, 仲幾脆, 都十分唔錯~
環境暗暗, 其實一班人嚟食野傾計真係啱晒, 仲有好多人都嚟叫個pizza插支蠟燭咁樣慶祝生日! 可惜係環境唔夠寬闊, 枱同枱之間冇乜距離, 座位亦有d迫夾, 經常可以聽到隔離枱d對話~ 下次嚟食一定要book咗枱先, walk in真係好講彩數, 不過d服務員都好有禮貌~ 食得好飽飽, 肚子得到一百分嘅滿足, 味道嚟講四季薄餅完全係無懈可擊, 應該係喺香港食過最好味嘅薄餅!!
張貼
