影片
更多
2011-05-21
75 瀏覽
有幸得到OR送出嘅buffet voucher, 攞完之後直接去食，方便，不用再揾日子過海食一趟。地點唔難揾，落咗叮叮，再行7mins就到。個酒店大堂好靚，好grand，樓底又高。未夠十二點去到，無得入住，尚未準備好。等到差唔多12點，見有幾個師奶入咗，於是我地又去問吓入得未。個經理話其實未開始，不過俾我地入去坐住先。安排坐喺窗邊位，個view 幾正，望住個海。不過就較晒同較熱。不過服務員都好醒目，佢問我野時，見我回答時眯晒眼，即刻話幫我落番個簾。場地都幾大，望落食物種類好似好多咁喎！等到12點多，就可以攞野食了~由於係Monday，所以人唔多，唔迫，攞野食又唔識排隊。冷盤有蟹腳、青口、蝦同蠔。試咗蟹腳、青口、蝦，蟹腳解凍唔掂，好多水，味道雖唔會太咸，但肉質好鞋。青口一般，唔算新鮮，又細隻。蝦ok，大隻又爽口。仲有好多款cold cut, smoked salmon, parma ham 之類，不過不失，但唔算特別。刺身、壽司就擺到同冷盤分得開一開，仲要擺近大門口。壽司賣相麻麻，仲要擺到去大門口，感覺唔太衛生。不過刺身就幾好，新鮮，salmon 肥美。湯有中、西湯。中湯係雪耳煲豬展之類
地點唔難揾，落咗叮叮，再行7mins就到。
個酒店大堂好靚，好grand，樓底又高。
未夠十二點去到，無得入住，尚未準備好。等到差唔多12點，見有幾個師奶入咗，於是我地又去問吓入得未。個經理話其實未開始，不過俾我地入去坐住先。
安排坐喺窗邊位，個view 幾正，望住個海。不過就較晒同較熱。不過服務員都好醒目，佢問我野時，見我回答時眯晒眼，即刻話幫我落番個簾。
場地都幾大，望落食物種類好似好多咁喎！等到12點多，就可以攞野食了~
由於係Monday，所以人唔多，唔迫，攞野食又唔識排隊。
冷盤有蟹腳、青口、蝦同蠔。
試咗蟹腳、青口、蝦，蟹腳解凍唔掂，好多水，味道雖唔會太咸，但肉質好鞋。
青口一般，唔算新鮮，又細隻。蝦ok，大隻又爽口。
仲有好多款cold cut, smoked salmon, parma ham 之類，不過不失，但唔算特別。
刺身、壽司就擺到同冷盤分得開一開，仲要擺近大門口。壽司賣相麻麻，仲要擺到去大門口，感覺唔太衛生。
不過刺身就幾好，新鮮，salmon 肥美。
湯有中、西湯。中湯係雪耳煲豬展之類，夠火喉，濃郁。西湯係雜菜湯，多料，不過不失。熱盤種類都多，咖哩都有三款；有羊架、蒸斑塊、蕃茄煮長通粉、柚子排骨、白汁mushroom炆牛肉、天婦羅、燒味、炒金邊粉、涼拌牛展、拍青瓜、涼拌海蜇等。
柚子排骨好好食，好強柚子味，又多肉，唔會太多肥膏。
蒸海斑好好食，不過refill 後嘅魚唔同咗，第一次嗰d超正，好鮮好爽口。應該係青衣魚柳。第二次嗰d就似飲宴嘅海斑，肉質都好，不過有少少腥。
天婦羅正，炸嘅水準雖然一般，但佢個汁挽回不少分數，好配合個天婦羅。
涼拌海蜇ok, 不過有點韌，牛展就乾身咗少少。
仲有即煮粉麵，通常我都會食兩碗。有河粉、金邊、油麵、米粉、烏冬等。
配料有蝦、青口、魚旦、獅子狗等。
第一碗要了蝦米粉，由於係隔咗一陣去拎，拎嘅時候已經有湯，仲係清湯。個清湯清如水已知不妙，無錯，的確係無咩味道，仲清過自己屋企煮。
第二次，師傅煮緊時，即刻問係咪有第2款湯，佢話仲有喇沙。
早講啦，如果有喇沙我一定會揀喇沙囉！
喇沙好過清湯多多聲，夠濃味，有椰奶味，亦辣辣地好好食。米粉soak 晒喇沙湯，夠味。
到甜品lu~~~~~~~一向我都唔好甜品，亦唔會投放太多quota 落去。但今次食完咸野之後，都未算好飽，仲有位食甜品。
個choclate cake 賣相得，味道都得，中間有層raspberry jelly, 酸咪咪，夾埋個cake一齊食不錯。
movenpick ice cream, 原本好大期望，諗住會好好食啦...點知，佢地個冰櫃唔夠凍，d ice cream 畢嘅時候已經似軟雪糕狀，未攞到埋位已經溶...O mouth....溶得超快。
movenpick ice cream 又超甜，甜到喉嚨痕。
waffle 反而好食，脆脆地，又唔太甜。
原來除咗果汁任飲之外，仲有餐茶。要咗凍檸茶，幾好飲喎，夠凍又夠茶味。
環境舒適，可以慢慢嘆，認真唔錯。
張貼
