岩盤牛扒 ミディアムレア ステーキ (博文街) (已結業)

🍴後腰三角肉300g + Set 1 $205三角肉位於牛嘅臀肉、腿股肉、腿肉三者中間，切分後呈現三角形，所以叫三角肉，呢個部位肉質精瘦，係臀腿少數油花多嘅地方，口感軟韌適中，口味清爽，適合燒烤。😋每1g只需$0.59, 於是叫咗300g試試，$177就食到！燒到三成熟上枱，牛嘅香味已經撲鼻而來，肉質果然非常鮮嫩，肥膏同肉嘅比例好均衡，牛味好重，我夠膽講係咁多個選擇入面性價比最高嘅選擇。另外加$28嗌咗個set，有味噌湯、沙律、溫泉蛋，選擇都幾多，個人最鍾意溫泉蛋，流心得來好有蛋香。